قيثاره الجمال

من طرف العراقيه الأحد يناير 24, 2010 9:26 pm

ذهب شلته اعله صدرك والنحر ياقوت
وخصرك معجزه وزندينك المرمر
الزبرجد واللألو والشذر والماس
يم محراب شخصك غدت تتعفر
موش الايده بيضة بساعه الاعجاز
وبياضك مايزول شكثر تتكبر
الكحل من الفراشه يطيح عالازهار
وكحلك عالبشر من تمشي يتطشر
المناظر للبشر تمتزج بيها الوان
وانت الكل جزء منك صبح منظر
الصوره ناخذها حتى انعاين عله الناس
وانت الكامرمرات اعليك تتفكر
قيس ان جان يعلم ماعشك ليلاه
جان انجن عليك ولجلك اتهستر
وجان استسلمت كل عارضه ازياء
لو شافت ميولك حين تتبختر
يوسف من جماله تبترت جم ايد
ومو ايد لجمالك ركب تتبتر
عرش بلقيس اخر هدهد سليمان
ومو هدهد لعرشك كلنه نتأخر
عليك الخالق لاتعله علحبوك
وعليك الله الجليل اعليه تتكبر