بدون عنوان

من طرف العراقيه الأربعاء فبراير 10, 2010 10:39 pm

مد ايدك بصدري والمس شجم شوك
بالروح انولد من بينت عيــــــــــــدك
يالعيدك بليلي معلك الف هــــــلال
وبكدهن لزوم يصير تمجيـــــــــــدك
عودت الكلب بس من تمر يرتـــــــاح
لذلك ماكو راحه بغير تعويــــــــــــدك
يا لحن النسيم اليمر لحظة غيــــث
صعب كلش صعب عالحاول يجيـــدك
تهددني بجمالك لو زعلت ويـــــــــاك
واخضعلك لان يوجعني تهديــــــــدك
يالمن الورد متوارث العــــــــــــــادات
تقاليدي انحنت بس لتقاليـــــــــــــدك
اغار اعليك واحسد كلمن يمر بيـــك
واحسد لو نمت ليلك مخاديـــــــــدك
واحب الي تسمه بأسمك من النــاس
واعشك كلمن بكصة مواليـــــــــــدك
يا سجن البرائة السجن هاي الــــروح
هيه الروح اجت تطلب تآبيـــــــــــدك
اسجنها بمزاجك يالمزاجك ســــــــوط
بظهر روحي بصم بصمة مكاريـــــــدك

احسك بالنبض ليل وشعر وانغــــــام
شما اشوفك يزيد الشوك ويزيــــــدك
واتمنى يشجره الروح ريح تصيــــــــر
حتى شما تهب ترجف عناكيـــــــــدك
تزعل والزعل من دون اي اسبـــــــاب
وتناهيدي بخدر تحضن تناهيــــــــــدك
وشواهيدي تجي ونتحاكك اعله الصار
وبلمح البصر تصبح شواهيــــــــــــدك
واتعذر ويطلع كل شباب الــــــــــــروح
مني وبالكلب تكثر تجاعيــــــــــــــدك

تعال ابيت روحي واسأل انته البيــــت
كله شبيك تهتز بعواميـــــــــــــــــدك
راح يجاوبك .... لمن يمر طاريــــــــــك
عليي من كل طرف تصرخ هواديـــــدك
يالكاصد بعمري التعب والحســــــــرات
شيضرك لو عفت بيه مكاصيــــــــــدك
واجيت بحضني نغسل وجه ذاك الليــل
واوفي بموعدي وتوفي بمواعيـــــــدك