دق الجرس ..وخلص الحلم

دق الجرس

سألو البشر اكليل مين

وعملت حالي ما معي بعرسك خبر

تقلت عليّ حالتي

والحب مين

وصليت , صليت , صليت

ت زنبي بحبك ينغفر

ودعت حلم العاش بعيوني سنين

وبكيت مستقبل حياتي المنتظر

وحملت جرحي

ورحت اوقفلك شبين

وامشي غصب عَ دربك

وحبك امر

ولما قبال الخالق حلفتي يمين

وقلتي نعم

والحكم بأمرك صدر

ونقلو المحابس

عالشمال من اليمين

اخر امل قدام عينييّ انتحر

انا مين بدي لوم بين الظالمين

فقري ؟؟

عذابي ؟

لوعتي بصد القدر

لا ... لا ... لا ..

ما بلومك

انا بلوم المجرمين ال فرقونا

وحرموا عيوني النظر

روحي ... روحي

انشالله السعادة ترافئك بكل حين

وبكره اذا الغفران عَ بالك خطر

ورحتي تزوري

صومعة عاشق حزين

بدك تشوفي قلب مقطوع الوريد

وصوره صغيريه

اسمك عليها انحفر

ااااااه يا حبي