سوألك حيرني

سوالك حيرني

شو يعني !! لمن كل ليله بحاكيك ؟

بنسى الكل , وما بفكر الا فيك ؟؟

شو يعني !! لمن بهديك غنيّه ؟

تدوّب قلبك الصخر

تشعل فيك الحنيّه ؟

شو يعني !! لمن كون انا الك ؟

تحاكيني , وبكل صدق اسمعك ؟

اتحمل غضبك المجنون

وصيّر نبش داخل قلبك

عَ براءة طفل , برجل حنون ؟

شو يعني !! لمن تأمرني بكلماتك

و عاند انا الكل كرمالك ؟

شو يعني !! لمن تكون انت زعلان , وتعبان ...

امسح انا تعبك وزعلك ...

بهمسة حب وحنان ؟؟

شو يعني !! لمن انت الوحيد , بسمحلك تدخل مملكتي الممنوعه

بدون اذن من الحراس , او ابراز هوية الك , او صوره ؟؟

شو يعني !! كل يلي بعملو الك ...

مش يعني يا حلم عمري , اني بعشئك ؟؟

بس ... اذا ناطر تسمع مني كلمة بحبَك

لازم انا امتلك اكبر مساحة بقلبك

انا يا حلم عمري , ما بتكفيني هالكلمة وبس

انا بدي المسك , وبحنانك حس

بدي شوف بعيونك شو معنى الود

بدي بوّس شفافك

وشمشم عن تيابك

عطر الورد

بدي كون الك حبيبه , وصديقه

ويمكن ...

يمكن حتى كون الك انا ... العشيقه

بدي كل ما منك زعلتني

بكلمة حلوة عَ قلبك تردني

تغمرني ... تحضنّي

بدي تحسسني

انك بالحب , انت الوحيد ال مالكني

واسكر انا من خمرة شفافك

وقلّك سئيني يا بعد عمري يا خمار

سئيني من نبع بوساتك

و تركني بالعشق معك كمل المشوار

و تتفجر براكين العشق بقلبك المهجور

وكل ما حنيت للحب , تصرخ بأعلا صوتك